Otvorenje novog igrališta u Veprincu

Djecu je nakon ljetnih praznika u samom centru Veprinca dočekalo novo igralište obnovljeno i prilagođeno djeci i mladima otvoreno početkom rujna. Postavljene su nove sprave, multifunkcionalna igrala s pričom o povijesti i identitetu Veprinca, obnovljen sportski teren s modernom opremom te umjetnički oslikan zid.

Poseban trenutak obilježila je sadnja stabala murve, a djelatnici Parkova zajedno s mališanima zakopali su vremenske kapsule – dar budućim generacijama.

Neke buduće generacije moći će pročitati sljedeću poruku naših vrtićara:

Neka ostane za naprvo, sen ki budu ovo pročitali...

Danaska, utorak, 09.09.2025. va Leprince se otpira novo, velo i lepo dječje igralište. Tu će se kalat dečina z vrtića na brege i si oni drugi, malo veći i malo manji, ki će se smejuć i kantajuć igrat i zabavjat.

Va vrtiće na vrh brega, ki pripada Dječjemu vrtiću Opatija ukupno su bile 3 grupi. Najmlaja grupa, jaslice, zvale su se Maričice (lepe miće rožice), a dve vrtićke grupi zvale su se Kosići i Žajice. Va dome – zgora sali bila je još jedna jaslička grupa, Mići ježići. Va oven lete otprle su se i va Pojanah dve jasličke grupi.

Deci je se više, neka tako bude i daje.

Teti ih vade da se drže skupa, da si pomoru, da ne zataru stare užanci i da vole domaću besedu i naše ča! Opuste se pobiraju jaja, a na tanceh se zabavjaju mići i veli, pride se na Markovu, kampana se z roditelji po Učke i delaju se najlepše fešti na staje.

Vrtićka grupa Žajice, ostat će zavavek zapamćena va srcah  seh oneh ki su hodili va nju. I veli i mići. A va nju su hodili: N.A., L. G., V. V., I. S., J. G., M. A., R. K., R. V., L. K., M. R., D. K., Z. C., T. P., R. G., A. Đ., J. R., S. K., D. H. i M.P.

Va 2025 – ten lete, Žajice su napisale, snimile i otkantale pjesmu „Vrtić na vrh brega“. Pjesmu su napisale odgajateljice Mirna i Doris, otkantale su ju T. P., L. K., i M. R. Pjesmu je uglazbila mama od M. Ivana Herman, dok je aranžman storil naš nono, Srećko Valušek.

Pospravimo i ovu kartu, pak će se jednega dana imet ča pročitat, nekega domislet ili pitat kako je to onputa bilo. Do onda neka čeka, neka joj sunce sveti i daž kanta, a na saken kantune ona će čut – smeh otroka.

Va 2025-ten lete va vrtiće su delali Izabela Vuković, Antonela Čuturić, Slađana Furlanić, Romeo Podobnik, Mirjana Rubeša, Iva Juračić Milat, Mirna Martinčić i Doris Juračić.